|
|
Borama(Berberatoday.com)-Madaxweyne ku-xigeenka Jamhuuriyadda Somaliland Mudane, Cabdiraxmaan Cabdilaahi Ismaaciil (Saylici) iyo Wafti Ballaadhan oo uu Hoggaaminayo ayaa maanta ka qeybgalay Xafladda Qalin-Jebinta dufcadii 22aad oo ay ka qalin jabiyeen arday gaadhaysa 1,034-arday kuwaasi oo dhamaystay qeybaha kala duwan ee waxbarashada Jamaacada Camuud.
Madaxweyne ku-xigeenka Jamhuuriyadda Somaliland oo munaasibadaasi ka hadlay ayaa ugu horaynba Hambalyo iyo boggaadin u diray aradayda qalin-jebisay, waxaana uu sidoo kale u mahadceliyey maamulka iyo macalimiinta Jaamacada oo uu ku ammaanay doorkooda xilkasnimada leh ay u guteen waajibaadkii kobcinta aqoonta, Madaxweyne ku-xigeenku wuxuu sidoo kale u u mahad celiyey waalidiinta tacabka balaadhan ee ay geliyeen Ubadkooda.
Dhanka kale Madaxweyne ku-xigeenku waxa uu xadhiga ka jaray dhismayaal casriya oo Jaamacada Camuud kusoo kordhisay Kulliyada Caafimaadka iyo dhismaha deyrka Jaamacada oo ka kooban 6.5KM.