Hargeysa(Berberatoday.com)-Xubno ka Tirsan Golaha Wasiiradda iyo Golayaasha kale ee qaranka ayaa maanta ka qayb galay aas qaran oo loo sameeyay dadkii maalintii Shalay Shilka Baabuur ku galay Jidka u dhexeeya Magaalooyinka Dilla iyo Gebilay.

Wasiirka Wasaaradda Warfaafinta,Dhaqanka Iyo Wacyigelinta Jamhuuriyadda Somaliland Mudane Cismaan C.laahi Saxardiid Caddaani oo ka hadlay aaskaasi qaran ayaa Ilaahay uga baryay inuu naxariistiisii Janno ka waraabiyo dhamaanba intii Shilkaas naxdinta leh ku geeriyootay waxaanu sheegay in baahi weyn loo qabo sidii dalawariinta gaadiidku u dhimi lahaayeen Xawaaraha xoogan ee ay ku socdaan Wasiirku waxaa kale oo uu Sheegay in Wasaaradd ahaan ay Maanta saareen Xubno Weriyeyaal iyo barnaamij soo saarayaal soo ururin doona Sababaha keena Shilalkan soo noqnoqday ee Gaadiidka si loo helo Macluumaad rasmi ah .