|
|
Warqaddani waxa ay ka soo baxday Xafiiska Wasiirka Waxbarashada 30 April 2024, waxa uu ku wareejiyay Masuuliyadda Maamulidda Maashaariicda & Deeqaha Caalamiga ah ee Wasaaradda Waxbarashada la siiyo Wasiir ku Xigeenka Wasaaradda.
Waxa warqaddan ku qoran Mashruuca Global Partner Edition (GPE) oo ay ku baxayso $27 million, waxa kale oo jira Mashaaruuca Education Cannot Wait oo ah $11 mllion & Mashruuca Horumarinta Cilmiga oo ah $12 million iyo Mashaariicda iman doona.
Isugeyn Mashaariicdani waa $50 million, Awood wareejintani waa mid ugub ah oo aan ka jirin Wasaaradaha kale, inkastoo ay jiraan Agaasimayaal guud oo ka Awood badan Wasiirradooda. Waxa jira madmadaw & dheellitir la’aan ka jira fursadaha Shaqo ee Mashaariicda oo u badan Qof jeclaysi & Naasnuujin cid gaar ah.
Wasiirku waa maxay sababta uu u wareejiyay Awooddiisa Shaqo? Sidee ayuu u meteli karaa Gobolka Awdal Wasiir Awooddiisa wareejiyay ama laga wareejiyay? Madaxweynuhu qayb maka yahay Awood wareejintan?
Waxa qoray Maxamed Sidiiq Dhamme.
