Gudoomiyaha Dalada Guud ee Ururada Aan Dawliga Ahayn Anwar Cabdiraxmaan Warsame oo Ka Hadlay Xeerka Kala Xadaynta Nidaamka Xukumada Iyo Haayadaha Madaxabanaan

December 20, 2024 - Written by admin

Qodobka 22aad ee Xeerka kalaxadaynta nidaamka Xukuumadda iyo Hay’adaha madaxa bannaan, waxa uu si cad u sheegayaa in Wasiirku wakiil uga yahay Madaxweynaha Wasaaradda uu u igmaday, sidaa awgeed, Wasiirku wakiil kama aha deegaan iyo Gobol gaar ah, hase ahaatee, waxa uu wakiil uga yahay Madaxweynaha Wasaaradda uu wasiirka ka yahay oo adeeg siinaysa dhammaan Muwaadiniinta Somaliland.

Sawirada maalmihii u dambeeyay wareegay Baraha Bulshada ee Wasiiro isku deegaan ahi ay si gaar ah isu soo dhawaysanayeen, waxa ay ka soo horjeedaa curfiga dawladnimada, waajibaadka iyo sharafka Wasiirka, waxa ay sidoo kale waxyeelaysaa kalsoonida muwaadinku ku qabi karo dhexdhexaadnimada iyo hufnaanta hay’adaha dawladda, sidaa awgeed, waxa aan ku baaqayaa in aanay mardambe xubnaha Golaha Wasiiradu dirin fariin muujinaysa in ay koox koox ama deegaan deegaan isku bahaysanayaan.

Gudoomiyaha Dallada SONSAF

Anwar Cabdiraxmaan Warsame