“Caasimadda Jamhuuriyadda Somaliland Hargeysa Xaalbaanu Siinaynaa Iyo Reer Somalilandba Wixii Shalay Ka Dhacay Iyo Ragii Jabhada Sheegtay”Mayerkii Hore ee Hargeysa cabdiraxmaan Soltelco

January 8, 2025 - Written by admin

“Caasimadda Jamhuuriyadda Somaliland Hargeysa Xaalbaanu siinaynaa iyo reer Somalilandba wixii Shalay ka dhacay, Dibna u dhici may so, Ma aqbali karo Hargeysa oo magaaladaydii aan aduunka ugu Jecelahay marka laga yimaado muqadasaad ka Alle doortay ee Makka, Marina iyo qudus in Niman aanu ilmaadeer nahay oo aabayaashod magac iyo maamuus ku lahaayeen yidhaahdaan Jabhad baanu ka nahay. Ninka taliyaha jabhada sheegtay waa Cabdiraxman Sheekh Cisman, Sadexda nin ee Meesha ka hadlayay waa Ina Jamac Cali matan, Ina Bare Axmed Gorse.iyo Boqor Badmadaw. Wallahi in ayna Dib u dhacay in Hargeysa la yidhaa Jabhadbaa Joogta, Bud dhigii Hargeysa iyo cidii Nabadeeda ka Talin jirtay Baa burburinaysa Suurta gal maaha. Suber Awalna Jabhad Jamhuuriyadda Somaliland duminaysa ma leh, Aniga iyo cidda I taageersan Xisbiga Mucaaridka ah ee Kulmiye ayaanu nahay, Kulmiye dalkuu dhisay, Dhisayaana, kursiga kuma doono dhiig, nabadgelyo ayuu ku wareejiyay, nabadgelyona uu ku doonayaa, hadaan lakala Roonaan Roob ma da’o. Hadii shalay Madaxweyne Muuse Buur loo Galay, Madaxweyne Cigaalna Dagaal sokeeye, Madaxweyne Cabdiraxman Tuurna dagaal Sokeeye, ma wadadii uun baynu haynaynaa waxaynu u baahanahay in caqligu shaqeeyo, in caqligu koro. Waa run In Madaxweyne Muuse Biixi cagaha la hayay, ma Ina anfacaysaa in Madaxweyne Cabdiraxman Ciro aynu cagaha hayno oo Jamhuuriyadda Somaliland soconwayso.

Aynu korno Shacabka Somaliland oow.

Waxa qoray Maayarkii hore ee Hargeysa Cabdiraxmaan Soltelco