Haweenay Faransiisa oo Ku Caan Baxday Nacaybka Muslimka Iyo Ajaaniibta oo Damacsanayd Inay Madaxweyne Uso Soo Sharaxdo oo 5 Sano Xadhiga Lagu Xukumay

March 31, 2025 - Written by admin

Marine Le Pen oo ah siyaasiyad Faransiis ah, oo Islaamka iyo Ajaanibtaba nacab ku ah, cadaawadeedana aanan qarsan, sidoo kalena 3 mar isku soo sharaxday inay Madaxweynaha Faransiiska noqoto, sanadka 2027-na doonaysay inay markale isa soo sharaxdo, ayaa maanta waxaa lagu helay danbi musuqmaasuq ah.

Waxaana lagu xukumay 5 sano oo socota inaysan isa sharixi karin, xil dowladeed qaban karin, 2 sano in lugta bir yar oo dhaqdhaqaadeeda lala socon karo looga xiro iyo lacag ganaax ah oo 100,000€ oo Yuuro ah.

Caadi ayay u qasaartay maanta.

Musuqmaasuqa lagu helay waa in ayadoo Xildhibaan Baarlamaanka Midowga Yurub ka tirsan loo shaqaaleysiiyay shaqaale, shaqaalahaasoo mushaar qaadan jiray, balse aanan xarunta midowga Yurub kasoo muuqan jirin, balse xarunta dhexe ee ayada Xisbigeeda ka shaqeynayay.

Lacag 4 milyan oo Yuuro ah ayay Midowga Yurub sidaas uga cuntay, xisbigeedana ku nooleysay ama ku maalgelisay.

10 maalmood ayay heysataa ay racfaan uga qaadan karto xukunka ku dhacay maanta.

Ahmed Kadiye