𝐖𝐚𝐫𝐚𝐫𝐤𝐚 𝐓𝐨𝐝𝐝𝐨𝐛𝐚𝐚𝐝𝐤𝐚 𝐞𝐞 𝐒𝐨𝐜𝐝𝐚𝐚𝐥𝐤𝐚 𝐠𝐨𝐛𝐨𝐥𝐥𝐚𝐝𝐚 𝐁𝐚𝐫𝐢 𝐞𝐞 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝

August 23, 2025 - Written by admin

1 Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro), ayaa socdaal shaqo ku tagay gobollada Saaxil, Togdheer iyo Daad-madheedh, halkaasi oo uu ka dhagax-dhigay mashaariic kala duwan, isla markaana xadhiga ka jiray mashaariic kale.

Gobolka Saaxil:

•Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro),ayaa rasmi ah xadhiga uga jaray Mashruuca cusub ee Biyo ballaadhinta magaalada Berbera, kaasi oo uu Madaxweynuhu dhagax dhigay bishii March, 2025-ka.

•Madaxweynaha JSL wuxuu ka qaybgalay qalinjabinta dufcadii 10aad ee Qalin-jabinta Ardayda Jaamacadda Culluunta Badda iyo Kalluumeysiga ee magaalada Berbera.

•Madaxweynaha Jamhuuriyadda Somaliland ayaa xadhiga ka Jaray Xarunta Dabdemiska ee Degmada Sheekh sidoo kalena Booqday Jaamacada Culluumta Xoolaha.

Gobolka Todheer:

2. Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) ayaa daah-furay Hindisaha Maamul-daadejinta Adeegyada Dawladda ee Magaalada Burco oo bixin doona adeegyada gobollada Bariga dalka.

•Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi ayaa dhagax-dhigay cisbitaal casri ah oo takhasusyo badan leh oo laga hirgelinayo magaalada Burco.

•Madaxweynaha Jamhuuriyadda Somaliland, ayaa si rasmi ah -furay Mashruuca Biyo-ballaadhinta Magaalada Burco, taasi oo lagu kor loogu qaadayo awoodda biyo gaadhsiinta bulshada ku nool magaalada Burco.

•Madaxweynaha Somaliland ayaa dhagax-dhigay Madxaf iyo Maktabad Qaran iyo Dib-u-dhiska Goobtii taariikhiga ahayd ee Magaalada Burco lagaga dhawaaqay dib ula soo noqoshada madaxbannaanida Jamhuuriyadda Somaliland.

•Madaxweynaha Jamhuuriyadda Somaliland ayaa Dhagax-dhigay Aagga Wershadaha ee gobolka Togdheer.

•Madaxweynaha JSL ayaa dhagax dhigay dib u dhiska iyo casriyeyn ballaadhan oo lagu samayn doono garoonka kubadda cagta ee Allemsay ee magaalada Burco.

•Madaxweynaha Jamhuuriyadda Somaliland ayaa dhagax-dhigay Dhismaha Taallada Halgamaagii weynaa ee Sheekh Bashiir.

Daadmadheedh

•Madaxweynaha JSL ayaa dhagax-dhigay dib-u-habayn iyo casriyeyn lagu samaynayo garoonka Kubbadda Cagta ee Oodweyne.

•Madaxweynaha JSL ayaa Dhagax-dhigay Mashruuca ballaadhinta Dhakhtarka Degmada Oodweyne, kaasi oo lagu kordhinayo adeegyo caafimaad oo casri ah iyo kor u qaadista qaybaha lagama maarmaanka u ah nolosha bulshada reer Oodweyne.

•Madaxweynaha Jamhuuriyadda Somaliland ayaa dhagax dhigay 7-dugsi oo xukuumaddu ka dhisayso gobolka Daad-madheedh.

•Madaxweynaha JSL Md. Cabdiraxmaan Maxamed Cabdilaahi (Cirro) ayaa guul u rajeeyay in Madaxweyne Donald Trump ku guulaysto billada nabada adduunka.

•Madaxweynaha Jamhuuriyadda Somaliland Md. Cabdiraxmaan Maxamed Cabdilaahi (Cirro) ayaa sheegay inuu muddo xileedkiisa uu rajaynayo in Somaliland ay hanato aqoonsiga caalamiga ah ee ay ka doonayso beesha caalamka.

3. Safiirka Somaliland u fadhiya dalka Maraykanka Danjire Bashiir Good ayaa soo dhaweeyay baaqii uu Senator Ted Cruz kaga dalbaday Madaxweyne Donald Trump inuu aqoonsado madax-bannaanida Somaliland, maadaama ay muhiim u tahay danaha Maraykanku ka leeyahay gobolka Geeska Afrika.

4. Waxa toddobaadkii hore warbaahinta caalamiga ahi aad u qaadaa dhigtay dedaalka Somaliland ay ku doonayso aqoonsiga caalamiga iyo fursadaha badan ee horyaalla.

5. Xildhibaan Gavin Williamson ayaa ugu baaqay dawladda Ingiriiska inay qaadato go’aan geesinimo leh oo ay noqoto dalka u horreeya ee aqoonsada Jamhuuriyadda Somaliland.

𝐖𝐚𝐫𝐛𝐢𝐱𝐢𝐧𝐭𝐚𝐧 𝐰𝐚𝐱𝐚 𝐬𝐨𝐨 𝐮𝐫𝐮𝐫𝐢𝐲𝐚𝐲 𝐗𝐚𝐟𝐢𝐢𝐬𝐤𝐚 𝐥𝐚 𝐬𝐨𝐜𝐨𝐝𝐤𝐚 𝐰𝐚𝐫𝐚𝐫𝐤𝐚 𝐞𝐞 𝐖𝐚𝐤𝐚𝐚𝐥𝐚𝐝𝐝𝐚 𝐖𝐚𝐫𝐚𝐫𝐤𝐚 𝐞𝐞 𝐒𝐎𝐋𝐍𝐀.