Maxaa Keenay Khilaafka Xisbiga Kulmiye Dhexdiisa Ka Qarxay Faallo?

November 28, 2025 - Written by admin

Khilaafka bannaanka u soo baxay ee Xisbiga KULMIYE waxa xudun u ah qoraal

Guddoomiyaha xisbiga mucaaridka ah ee KULMIYE Maxamed Kaahin Axmed uu u gudbiyey Guddida Diwaangelinta Ururrada Siyaasadda iyo Ansixinta Axsaabta Qaranka 13 November 2025, kaasi oo nuxurkiisu ahaa in shirweynaha xisbiga KULMIYE la qaban doono bisha June 2027, sidoo kalena shirka Golaha Dhexe ee Xisbiga isna uu qabsoomi doono July 2027.

Hasayeeshee,waxa uu khilaafku sii laba-kacleeyey kadib markii ay Guddida Diwaangelinta Ururrada Siyaasadda iyo Ansixinta Axsaabta Qaranku uu 25 bishan soo saaray go’aan lagu diiday jadwalka shirarka KULMIYE, iyadoo Guddidu sheegeen in jadwalkaasi uu baalmarsan yahay shuruucda, kana dhigan tahah in haddii jadwalkaasi la raaco uu shirweynaha 5aad ee KULMIYE muddo laba sanno ah dib uga dhacayo waqtigiisii, halka uu shirka Golaha Dhexe dib u dhacayo muddo 3 sanno ah, taasi oo ay Guddidu ku tilmaameen mid gef ku ah xeer 14/2023 oo waajibinaya in xisbiyadu ay shantii sanno hal mar qabsadaan shirweyne, sannadkastana mar la qabto shirka Golaha Dhexe.