𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝐢𝐲𝐨 𝐰𝐞𝐟𝐭𝐢𝐠𝐢𝐢𝐬𝐚 𝐚𝐲𝐚𝐚 𝐛𝐨𝐨𝐪𝐝𝐚𝐲 𝐱𝐚𝐫𝐮𝐧𝐭𝐚 𝐪𝐚𝐥𝐧𝐢𝐢𝐧𝐚𝐝𝐚 𝐖𝐚𝐝𝐧𝐚𝐡𝐚 𝐞𝐞 𝐒𝐚𝐯𝐞 𝐚 𝐂𝐡𝐢𝐥𝐝’𝐬 𝐇𝐞𝐚𝐫𝐭 (𝐒𝐀𝐂𝐇) 𝐞𝐞 𝐝𝐚𝐥𝐤𝐚 𝐈𝐬𝐫𝐚𝐚’𝐢𝐢𝐥, 𝐤𝐮𝐧𝐚 𝐬𝐨𝐨 𝐛𝐨𝐨𝐪𝐝𝐚𝐲 𝐜𝐚𝐫𝐫𝐮𝐮𝐫 𝐫𝐞𝐞𝐫 𝐒𝐨𝐦𝐚𝐥𝐢𝐥𝐚𝐧𝐝 𝐚𝐡

June 17, 2026 - Written by admin

Save a Child’s Heart (SACH) waa hay’ad bani’aadannimo oo fadhigeedu yahay dalka Israel, Ujeeddadeeda loo aasaasayna waxa weeyi badbaadinta nolosha carruurta qaba xanuunnada wadnaha ee halista ah, iyada oo aan loo eegin midab, diin, qowmiyad ama arrimo siyaasadeed midna.

Tan iyo markii la aasaasay, Hay’adda Save a Child’s Heart (SACH) waxa ay gacan ka geysatay bedbaadinta kumannaan carruur ah oo ka kala yimid dhammaan daafaha dunida, halkaana loogu sameeyey qalliinno iyo daaweyn casri ah.

Madaxweynaha Jamhuuriyadda Somaliland iyo weftigiisa waxa soo dhaweeyey masuuliyiinta iyo dhakhtarrada Hay’addu. Intii uu ku guda jiray booqashada dalka Israa’iil, 8 carruur ah oo reer Somaliland ah ayaa loo soo qaaday Xarunta Save a Child’s Heart (SACH), laguna sameeyey qalliinno xagga Wadnaha ah oo lagu guulaystay, halka carruur hore oo reer Somaliland ah xaruntan hore loogu qalay.

Madaxweynuhu waxa uu si dareen leh u booqday carruurta reer Somaliland ee Dhakhtarkan lagu qalay iyo Waalidiintooda, isaga oo Alle SWT uga baryey in uu caafimaad taam ah siiyo.

Madaxweynaha Jamhuuriyadda Somaliland waxa uu si qoto dheer ugu mahad naqay maamulka iyo dhakhaatiirta Xarunta Save a Child’s Heart hawlaha bini’aadannimo ee ay wadaan, gaar ahaan bedbaadinta Carruurta Somaliland iyo caruuraha kale ee dunida ee aan awoodin balse u baahan qalliin xagga Wadnahana ah.

Booqashada Madaxweynaha Jamhuuriyadda Somaliland ee xarunta waxa ay muujinaysaa muhiimadda iskaashiga bani’aadannimo iyo caafimaad ee labada dhinac, gaar ahaan badbaadinta nolosha carruurta Somaliland ee u baahan daryeel caafimaad oo takhasus gaar ah iyo farsamo sare leh.

𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇

𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫),

𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝