|
|
Hargeysa(Berberatoday.com)-Baarlamaanka dalka Pakistan ayaa ansixiyay xeer cusub oo noqon doono mid ciqaab ku ah ragga ku kaca falalka aadka u foosha xun leh ee haweenka dalkaasi lagu la kaco ee Kufsiga .
Boqolaal ka mida haweenka u dhashay dalkaasi Pakistan ayaa sanad walba u dhinta dhibaatooyin ka soo gaadha Kufsiga lagula kaco ,waxa aanu xeerkani ku ciqaab uga dhigayaa dadka ku kaca falkan in lagu xukumi xadhig inta nooloshiisa ka hadhay oo dhan .
Xeerka ayaa sidoo kale faraya garsoorayaasha ka hawl gala maxkamadaha dalkaasi in aanay wax naxariis ah u muujin danbiilayaasha la hor keeno iyaga oo galay falal la xidhiidha Kufsiga balse ay waajiyaaan xeerkan cusub ,isla markaana aanay ogolaan cafiska ay waalidiinta ay ka soo jeedaan haweenka lagu la kacay falalka Kufsiga .
Xeerkan ayaa soo af jaray qaylo-dhaana mudo dheer ka soo yeedhaysay dhamaan shacabka dalkaasi kuwaasi oo ay ku codsan jireen in la ciqaabo danbiilayaasha ku kaca falkan ,sidoo kale ha’yadaha Xuquuqal Insaanka ee dalkaasi ayaa marar fara badan ka hadlay, balse xeerkan ka soo baxay barlamaanka dalkaasi ayaa noqday mid dhamaan shacab waynaha reer Pakistan raali galiyay
Berberatoday.com