|
|
Bosaso(Berberatoday.com)-Wararka naga soo gaadhaya Magaalada Boosaaso ayaa waxa ay sheegayaan in lagu dhaawacay Magaaladaasi Taliye ku xigeenka 3-aad Booliska Maamulka Puntland.
Taliye ku xigeenka 3-aad ee Ciidanka Booliska Maamulka Puntland ayaa lagu magacaabaa Jaamac Saxardiid Cabdi, waxaana la sheegay in ay dhaawaceen kooxo hubeysan.
Taliye ku xigeenka oo ka soo baxay Hotel ku yaala Magaalada Boosaaso, ayaa la sheegay Kooxo hubeysan inay halkaasi ku fureen rasaas, kadibna ay goobta ka baxsadeen.
Dhaawaca Taliye ku xigeenka ayaa waxaa loo qaaday Isbitaal ku yaalla Magaalada Boosaaso, si halkaasi loogu dhabiibo.
Laamaha Amniga ayaa sheegay in ay wadaan howlgallo ay ku baadi goobayaan raggii ka dambeeyay dhaawaca Taliye ku xigeenka.
Mas’uuliyiinta Maamulka Puntland weli kama aysan hadlin dhaawaca loo geystay Taliye ku xigeenka 3-aad ee Ciidanka Booliska Maamulka Puntland Jaamac Saxardiid Cabdi.
Berberatoday.com