|
|
Libreville(Berberatoday.com)-Xulka qaranka Cameroon ayaa markiisii shanaad ku guuleystay koobka qaramada Afrika, kaddib markii ay guul soo laabasho ah ka gaareen dhiggooda Egypt.
Xulka Libaaxyada ayaa 2-1 kaga adkaaday Masar oo gool ku horreysay kulankan.
Wiilasha Masaarida ayaa goolka ku horreeyey waxaana 22’daqiiqo ugu shubay Cameroon Mohamed Elneny, kulanka ayaa lagu kala nastay 1-0 ay ku gacan sarreeyeen Egypt.
Qeybtii labaad ee ciyaarta markii dib la isugu soo laabtay waxaa Cameroon goolka barbaraha madax ugu dhaliyey 59′ Nicolas N’Koulou, goolka guusha ay ku qaateenna waxaa 88’daqiiqo dhammaadkii dheesha shabaqa gaarsiiyey Vincent Aboubakar, goolkaas oo ahaa mid aad u qurux badan, kulanka ayaana ku soo dhammaaday 2-1 ay ku adkaadeen xulka Libaaxyada.
Xulka Cameroon ayaa markii shanaad sidaas ku hantay koobka qaramada Afrika, waana xulka labaad ee sidaa sameeyey ilaa iyo hadda.
Haddaba halkaan hoose ka eeg shantii sano ee uu xulka Cameroon ku guuleystay koobka qaramada Afrika:-
1984
1988
2000
2002
2017
GOOLASHA KULANKAN HALKAAN HOOSE KA DAAWO:-
Berberatoday.com