Marka laga yimaaddo sharci daradii fadhigii wada jirka ahaa ee saaka iyo waxyaabihi foosha xumaa ee madasha ka dhacay,run ahaanti baarlamankanka lama soo hordhigin wax heshiis lagu tilmaami karo .Heshiiskii lagu qoray Af-Ingiriisiga iyo Af-Carabiga lama keenin ee waxa meesha lagu qaybiyey dhawr bog oo ku qoran Af-soomaali ood moodo sheekadii Diin iyo Dacawo ee caruurta lagu maaweelinjiray.Waxa ku qoran in kiradii saldhiga ay Somaliland dhaafsan doonto mashaariic horumarineed oo ay Imaaraatku maalgalin doonto.Laakiin heshiiska laguma sheegin lagumana fasirin mashaariicdaasi waxay(exactly) kala yihiin iyo qiimaha guud ee lacag ahaan ku baxaya mudada 25 sanadood ee heshiiska.Aqoonsi daayo xataa waxaan ku jirin wax sheegaya in Imaaraatku ay Somaliland ka caawin doonto dhinaca diblomaasiyadda.Hadii xataa aynu 4tii xaashiyadood u aqoonsanno heshiis hadana lama arag oo lama maqal baarlaman ansixiya heshiis wali qabyo ah oo waliba aan dood la galin balse duuduub iyo jujuub lagu ansixiyo.