|
|
Maansadan waa Maanso cusub oo la yidhaahdo ( Maararaw ) Waxaanay soo baxday 04/03/2017
Waxaanay la safantahay maansadii Mudici ee Abwaan Xasan Daahir weedhsame
Mililikiyo hurgumadii
Hadii uu mandaraq iyo
Weedhsame magliga daray
Anna Inaan majarafaddo
Ku Midh tuuro weeyee
Shacab maahsanaw Maqal
Mooyahan gunta u dheer
Midhaa lagu shukulayaa
Tibtu ay mugleedahay
Madaxaaga weeyee
Ismoogaantu waa Maxay?
Dantaa Maararaw iyo
Been looma mehershoo
Runta lagama meeree
Addoon mooska duminayn
Nabad lagama maarmee
Mukulaashan hororkaa
Dhiig miiratadan jaan
Maya inaad tudhaahdaa
Maxay kuugu adagtahay?
Ciilkiyo madhuudhyada
Addoo dibinta mood iyo
Maydhax iyo kadhigay liif
Baaska maqasha kaa cunay
Maxaad uga mabsuud tahay?
Addoon muruqa diidmada
Midna aanu kaa siddan
Legdin lagugu Mari Karin
Murugada catiiqaa
Maxaad ula mataan tahay?
Dadyaw mooshin quutaha
Magacaagii faasaxay
Maxaad ugu mildhaantaa ?
Shacabyahaw midhkaagiyo
Muunadaada Quruxdiyo
Meel dheer kagaratada
Mudka bahalka kaa gala
Ninka maalintaw daran
Maareeya taadee
Kaamoosa darayadda
Addna hiilka kaamudan
Marka meel madaw iyo
Jeel lagu maxbuusana
Sidii Maxamed oo kale
Maxaad mooyi moogaha
Suuqawla meertaan?
By sacad Cali kaahin plucky lasoco,,,,,,,,,