|
|
South Korea(Berberatoday.com)-Xeer Ilaalinta dalka Kuuriyada Koonfureed ayaa waxay doonayaan in la jaro warqad lagu soo xidho Madaxweynihii hore ee dalkaas haweeneyda la yiraahdo Park Geun-hye.
Waxay ku eedeynayaan inay door ku lahayd fadeexad musuqmaasuq oo sababtay in xilka laga qaado horaantii bishan ka dib markii Maxkamad dastuuri ah ay taageertay go’aankii baarlamanka uu shaqada uga ceyriyay Madaxweynaha.
Park waxaa lagu eedeynayaa in haweeney ay saaxiib yihiin oo lagu magacaabo Choi Soon-sil, u ogolaatay in ay lacag baad ah ka qaadato shirkadaha waaweyn inkastoo Ms. Park ay beenisay eedaha loo jeediyay
Madaxweynihii hore ee Koonfurta Kuuriya ayaa isbuucii tagay shacabka ka raaligelisay wixii dhacay.
Maamulka dalkaasi ayaa su’aalo weydiinayay Ms Park, 14 saacadood oo xidhiidh ah
Dacwad oogayaasha waxay ku doodayaan in cadeymaha la baabi’in karo, haddii aanan la xidhin Ms Park.
Saaxiibteed, Ms Choi, waxaa lagu oogay dacwad ah laaluush iyo musuqmaasuq, welina waxay saarantahay maxkamad.
Berberatoday.com