Mustafe waxdad oo ka hadlay xaalada iyo duruufaha ku xeeran dadka ku dhaqan gobolka Saaxil iyo ahmiyada ay diwaangalintu u leedahayba ayaa waxa uu yidhi  “Dadweynaha gobolka Saaxil waxaan u sheegayaa inay is diwaangaliyaan oo ay qaataan kaadhka diwaangalinta codbixiyeyaasha maadaama oo diwaangalintan lagu salayn doono guud ahaan nolosha, Dadka gobolka Saaxil waxay u xaggaa baxaan magaalooyinka Hargeysa iyo Burco ee waxaan ugu baaqayaa inay dib u soo noqdaan yar iyo weynba, sidaa awgeed waxaan ku boorinayaa dadka gobolkan u dhashay inay yimaadaan oo ay isdiwaangaliyaan dhib kasta oo ay ku leedahayba”.

Xoghayaha golaha dhexe ee xisbiga Kulmiye waxaanu farriin codsi ah u diray dadweynaha gobolka saaxil iyo guddiga doorashooyinka Qaranka waxaanu yidhi “Waxa kale oo aan dadka reer Saaxil ka codsanayaa in aan mar walba la sii socon oo la soo socon ee dadku isku yimaadaan oo la darsaa  lana  sameeyaa barnaamijkii dadka u suurtogalin lahaa in la daganaado waxbarasho iyo shaqo ahaanba, waana in dadka gobolkani arrin meel mar ah la yimaadaan oo wixii ay dawlada uga baahan yihiina u gudbiyaan”.

Intaasi ka dibna waxa uu codsi u diray Guddiga Doorashooyinka Qaranka “Waxaanu guddiga doorashooyinka qaranka ka codsanaynaa oo aanu gobolka Saaxil u codsanaynaa maadaama oo ay gobolkan haysato dhibta xaggaaga ee kulaylka, dhibta ciida ee aanay baabuurtu mari Karin, dhibta buuraha ee ayna dadku ka gudbi Karin iyo dadkooda oo u xagaa baxa  Hargeysa iyo Burco, kuwaasoo Berbera ka soo gali doona labada dariiq ee laamiga ah ee kala yimiaada sidaa darteed waxaanu aad iyo aad u codsanaynaa in labadaasi dariiq sanaadiiq muhiim ah lagu reebo oo ay iska diwaangaliyaan, nolosha dadka ayey ku xidhan tahay waayo Berberi ma qaadayso dadka, oo habeenkii dhaweydba waxa ka dhacay saxmad markii ay goobta la xidhay ee ay dadku yidhaahdeen khasab nagu diwaangaliya, si aanay taasi u dhicin.

Berberatoday.com