|
|
Stockholm(Berberatoday.com)-Gaadhi xamuul ah ayaa la jiidhsiiyay Tukaan ku yaalla badhtamaha Caasimadda Dalka Sweden ee Stockholm, waxaana halkaa ku dhintay Saddax qof, sida uu sheegay boolisku iyada oo goobta shilkani kadhacayna ahayd goob laga dukaamaysto oo Mool ah.
Dhowr qof oo kale ayaa ku dhaawacantay dhacdadan oo ka dhacday waddo mashquul badan oo ku taaalla aaga Drottninggatan.
Ra’iisalwasaaraha Sweden, Stefan Lofven waxa uu sheegay inay suuragal tahay inuu yahay weerar ay ‘argagixiso’ ka dambeysay.
Waxa uu intaasi ku daray in hal qof la xidhay. Ra’isalwasaaruhu Faahfaahin kale ma bixinin.
Shirkadda leh gaadhiga xamuulka ah ee dadka la jiidhsiiyay ayaa sheegtay in gaadhigaasi la afduubay saaka.
Wararka qaar ayaa sheegaya in rasaas laga maqlay qeybo kale oo ka mid ah magaalada, sida uu ku warramay weriyaha BBC-da arrimaha ammaanka Frank Gardner oo soo xigtay ilo wareedyo dhinaca ammaanka.
Wali lama garanyo in labada dhacdo inay xidhiidh leeyihiin iyo in kale.
Berberatoday.com