|
|
Hargeysa(Berberatoday.com)-Sadexdan Masuul ee Xilalka Laga Qaaday Oo Kala Ah Xisaabiyihii Wasaaarada Madaxtooyada Maxamud Digaale, Madaxii Hab Maamuuska(Paratocolka) Madaxtooyada Cabdiraxmaan Saqadhi Iyo Madaxii Kaydka Iyo Arkeefiyada Madaxtooyada Axmed Jaamac Ismaaciil ayaa waxa xilalka ay hayeen ka qaaday Wasiirka Wasaarada Madaxtooyada Maxamud Xaashi Cabdi.
Wasiir Maxamud Xaashi ayaa waxa uu Xilalkii uu ka qaaday sadexdan Masuul oo ka Ugu yari Madaxtooyada Ka shaqaynaayay 10 Sanadood Ka Ugu Badanina 22 Sanadood uu ku bedelay Shaqaale Dhalinyaro ah oo kala soo wareegay Wasaarada Duulista iyo Hawada kuwaas oo kamida ahaa shaqaalihii uu hore uqoray wasaaradaas Xiligii uu wasiirka Ka ahaa ahna caruur aan shaqada wax badan ka fahmayn hase yeeshee ku shaqaynaaya amarada guracan ee Wasiir Xaashia kasoo Baxaaya.
Wax Layaable oo aad laysu weydiinayaa Sababta kaliftay inuu Wasiir Maxamud Xaashi xiligan inuu xilalkii ayu hayeen ka qaado Masuuliyiintan kana eryo shaqaalenimadii ay kamidka ahaayeen shaqaalaha Madaxtooyada somaliland Mudada dheer. Iyada oo sadex Masuul Lagu majeerto shaqo wanaag iyo waayo aragnimo gaamurtay Maadama oo intooda badani la soo shaqeeyeen Madaxweyne Maxamed Xaaji Ibraahim Cigaal.
Sadexdan Masuul ee Xilalka Laga qaaday shaqo ka caydhinta Lagu sameeyay ayaa kala ah Maxamud Digaale oo kasoo Jeeda Beesha Bariga Burco(Biciide HJ)Cabdiraxmaan Saqadhi oo kasoo Jeeda Beesha Galbeedka Burco(Muuse Ismaaciil)Iyo Axmed Jaamac ismaaciil Oo kasoo Jeeda Waqooyiga Iyo Galbeedka Gobolka Maroodijeex.
Ilaa Hada lama Garanayo sababta dhabta ah ee Keentay in sadexdan Masuul ee waaya Araga shaqo lagu majeeranaayay in xilalka Lagaga qaado oo waliba liiska Shaqaalenimo ee Dawladana Laga Saaro waxase loo qaadan karaa uun In Wasiir Xaashi Qaniinay Kadib markii ay fulin waayeen amarada guracan ee uu Ku Caan kabaxay ee Kala qoqobka Iyo Kala Fogaynta shacabka la xidhiidha.
Berberatoday.com