|
|
Muqdisho(Berberatoday.com)-Garoonka diyaaradaha Aadan Cadde ee Magaaladda Mudisho waxaa maanta ka soo cago-dhigatay Diyaarad sidday 67 Soomaali ah oo laga soo tarxiilay dalka Maraykanka
Saraakiisha socdaalka ayaa idaacada VOA u sheegay in dadka lasoo tarxiilay la diiwaangelinayo, Waxayna sheegeen in mas’uuliyiinta Maraykanku u sheegen Soomaalida in dadkan ay ku jireen xabsiyo ku yaalla Maraykanka halka qaar kalena ay ku guuldarraysteen inay magangelyo helaan.
Jaamac Axmed Cali oo ka mid ahaa dadka soo maraykanka laga soo tarxiilay ayaa VOA-da u sheegay in dadka laga soo ururiyay gobolo kale duwan oo dalka maraykanka, ayna u badan yihiin dad dhowaan galay dalkaasi.
“waxaan u badanahay dad lug ku galay maraykanka oo dhowaan galay oo loo diiday in la siiyo magangelyo, dambina aan gelin, laakiin markii lana sii dayn lahaa, ayaa Safaaradda soomaaliya ee Maraykanku sheegtay inay waraaqihii socdaalka ay noo samanayso oo dalkayagii laguna celiyay, dhalinyaro kale oo 20 maalmood naga horreeyay waa la sii daayay, Sidaas ayaanu ku nimid muqdisho” ayuu yiri Jaamac
Waa kooxdii saddexaad ee Soomaali ah oo laga soo tarxiilo Maraykanka tan iyo intii uu xukunka Maraykanka qabtay Madaxweyne Donald Trump, isla Bishii Jannaayo ee sanadkan waxaa muqdisho la keenay 90 qof, halka bishii Maarso lasoo tarxiilay 68 qof.
Berberatoday.com