|
|
Madrid(Berberatoday.com)-Kooxda Barcelona ayaa ku hun gowday hiigsigii horyaalka La Liga, isla markaana ay ka hor qaaday kooxdii ay ka dhur-sugayeen ee Real Madrid walow ay karbaash u qoreen kooxda Eibar kulan guusha ay ka daba yimaadeen qaybtii dambe ee ciyaarta, wacdarana dhigeen.
Kulankii u dambeeyey ee Luis Enrique uu garoonkisa ku ciyaaro isagoo tabobaraha Barcelona ah, Eibar ayaa ku hor martay 2-0 iyadoo uu laba gool oo aad u qurux badan ka xareeyey laacibka Takashi Inui.
Gool uu iska dhaliyey David Junca, Luis Suarez gool uu dhamaystiray iyo laba gool oo kale oo uu raaciyey Lionel Messi – oo mid ahaa Rigoodhe, isagoo mid horena lumiyey, ayay Barca guusha ku soo xero gashatay.
Laakiin, guushii Madrid 2-0 ka kaga takhalustay Malaga ayaa u horseeday inay ku qaadaan horyaalkoodii u horeeyey tan iyo sanadii 2012 kii.
Berberatoday.com