|
|
Qumanaanta goortii la qubay rag isu qashaartay
Ee qiilka loo maray qabiil qaranku waydooye
Qudhaanjada sideedii markii qoloba meel aaday
Qoysnimada goortii xusbiyo laysku kala qaybshay
Qiimaha markii laga qadee qurux la naafeeyaay
Qarandida raggii qaayibee qudhunka meelaystaay
Iminkaay qasaareen markay qolo ku faaneene
Qiimayn malaha qaayalloo sharaf qasaasilee
Waxay qarinayeenba rabbigu qeexay marag li.iiye
Ayagoo qalalayba sidii qaatil dhuuntaane
Iminkaay is qariyaan markay qiil u waayeen
Inkastoo qabaan quudhsigiyo qadaf ka diirayiin
qalbigiisu waligii qab galiin rag isku qiimeeyo
Maqsadkiisu qado lagu kulmiyo qaadka weeyaane
Muxu qolo fogeeya ilaay maanku waa qolofee
Iimaanku waa qani markaad qaayo leedahay
Asagoo qorshaha meel ku furiin wuu qarmacayaaye
Raqada lagu qabtaabu sidii dhidar qalaadaaye
Bulshadana naxluu quudiyaa qaana taliyaaye
Asagoo qasaara ayuu qadan ismoodaaye
Asagaa qushuuc beena iyo taash is qaayidee
Qayalkuba markuu qoodh isbidoo qaalinbaa dillee
muxu qolo fogeeyaa ilay maanku waa qolofee