|
|
Hargeysa (Berberatoday.com)-Musharaxa Madaxweynaha ee xisbiga Waddani Cabdiraxmaan Maxamed Cabdilaahi (Ciro) ayaa shacabka Somaliland iyo guud ahaan shucuubta Islaamka ugu hambalyeeyey munaasibada Ciidul-fidrida oo bari oo Axad ah (Shawwal 01, 1438H) looga dabaal dagi doono Somaliland iyo guud ahaan dunida muslimka ah.
Guddoomiye Cabdiraxmaan Maxamed Cabdilaahi (Cirro) ahna Murashaxa Madaxweynaha xisbiga WADDANI oo ku hadlaya magaciisa, ka xildhibbaanada Golaha Wakiilada, hoggaanada, guddiyada fulinta, garabbada dhallinyarta iyo haweenka ee xisbiga WADDANI ee kala jooga gudo iyo dibad-ba, waxa uu guud ahaan umadda Islaamka ah gaar ahaan shacabka Somaliland ugu hambalyeynayaa Ciidul Fidrida, waxaanu ilaahay uga baryey in
Ciidul-Fidridan teeda kale uu ku gaadhsiiyo nabadqab iyo Barwaaqo.
Cabdiraxmaan Maxamed Cabdillaahi (Cirro), waxa uu sidoo kale guud ahaan shacabka Somaliland uu u rajeynayaa in Alle uu ka aqbalo acmaashii suubaanayd ee ay soo qabteen bishii Ramadaan, waxaana uu ku booriyey bulshada in la sii wado acmaasha iyo cibaadada si Alle loogu dhawaado.
Berberatoday.com