|
|
USA(Berberatoday.com)-Xoghayaha warfaafinta Aqalka Cad ee dalka Maraykanka Mr Sean Spicer ayaa is casilay kadib markii uu Madaxweyne Donald Trump uu u magacaabay Agaasimihiisa Warfaafinta Anthony Scaramucci.
Spicer oo 45 jir ah ayaa la sheegay inuu aad u diidan yahay magacaabista uu Trump uu magacaabay Anthony Scaramucci oo ugu qaabilsanaa arrimaha maaliyada wargeyska caanka ah Wall Street.
Hase yeeshee Aqalka Cad ee Maraykanka ayaan si rasmi ah uga hadlin is casilaada Afhayeenkii Aqalka Cad.
Khilaafka ka dhex jira kooxda warbaahinta u qaabilsan Madaxweyne Trump ayaa ku soo beegmaya xilli ay sii balaadhanayso baadhitaanka suurtagalnimada xidhiidhka ka dhexeeyay Trump iyo Ruushka ololihii doorashada dalka Maraykanka ee 2016.
Berberatoday.com