Sida ay sheegayaan xogo lagu kalsoon yahay oo soo gaadhaya Shabakada wararka ee Berberatoday.com Xukumada Somaliland ayaa waraaqda ay ku socodsiisay shirkada DP World ku dalabatay in si dagdag ah wax looga qabto cabashada kasoo yeedhaysa ganacsatada isticmaasha Dekeda Berbera ee ka cabanaya inay badeecadohoodii Dekeda ku xaniban yihiin oo wax urara layihiin iyo gaadiidkii badeecadaha siday oo mudo dheer bada iyo Dekedaba taagnaanaya iyaga oo ganacsatadu sheegay in shaqadii shirkada DP World noqotay mid caga jiida oo aan sidii la rabay usoconayn.

Ugu Danbayntii waxa xogta aanu helay sheegaysaa in xukumada somaliland shirkada DP World ugu hanjabtay inay heshiiskii ka noqnayso hadii aanay si dhakhso ah wax uga qaban cabashada ganacsatada Dekeda Berbera isticmaasha ee kala duwan si dagdag ahna aan loo xidhin loona rogin maraakiibta bada hoganaya oo mudada dheer bada taagnaa..

Xukumada Somaliland ayaa ku khasban inay Shirkada DP World kala hadasho kala socodsiinta hawlaha ganacsi ee Dekeda Berbera oo taagan sababtoo ah waxa haawanayay maalmihii udanbeeyay khasnada kastamka Berbera oo aanay wax dakhliyi kusoo dhicin iyada oo guud ahaan dalka laga dareemayo dakhliyaan soo foodsaartay Xukumada Madaxweyne Siilanyo ee talada dalka haysa taasina ay keeni karto in la waayo muhsharaadkii ciidamada iyo shaqaalaha dawl;ada iyada oo dalkana uu ka jiro sicir barar baahsani.

Xukumada Somaliland ayaa hada isku ciil kaabiyaysa heshiiska ay la gashay shirkada DP World ee Dekeda Berbera lagu wareejiyay mudada sodonka sanadooda ee durbaba ay soo baxayaan dhaliilaha is barkan iyo shaqadii Dekeda oo isa soo taagtay iyo doorkii Dawlada oo meeshaba ka baxay.

Ilaa Hada Wasiirada Maaliyada. ganacsiga Iyo Arimaha Debeda ee somaliland oo Berbera ku sugani wax wara kamay soo saarin xaaladsa Cakiran ee ka taagan Dekeda Berbera.

Berberatoday.com