|
|
Inadia(Berberatoday.com)-Dhakhaatiir ka tirsan Kulliyada Caafimaad ee Calcata ee dalkaasi Hindiya ayaa waxay ku guuleysteen qaliin ay ku fuliyeen nin la sheegay inuu liqay 639 Musbaar.
Ninkani oo da’diisu tahay 48 jir ayaa waxay dhakhaatiirtu ka soo saareen calooshiisa tiradaasi masaabiirta ah waxaanay ku sheegeen in miisaanka masaabiirta ninkaasi calooshiisa laga soo saaray uu yahay 1.3 Kg.
Jarriidada Times of India oo Shabakada Berberatoday.com ka soo xigtay Warakan ayaa waxa kale oo ay dhakhaatiirtu ku cadeeyeen in ninkani uu xanuun dhinaca maskaxda ah qabay sidaasi awgeedna uu si toos ah u liqay tiradaasi masaabiirta ah waxa kale oo ay dhakhaatiirtu cadeeyeen in hab-dhiska dheefshiidka ee ninkaasi aanay dhaawacyo halis ahi soo gaadhin, isla markaana caafimaadkiisu haatani wanaagsanyahay.
Dhakhaatiirta dalka Hindiya ayaa muddooyinkan dambe ku guuleysta qaliino aad u cajiib ah waxaanay dhammaan qaliinadaasi ka tarjumayaan horumarka dhinaca caafimaadka ee dalkaasi uu muddooyinkan dambe ku tallaabsaday.
Berberatoday.com