|
|
Masar(Berberatoday.com)-Fannaanad caan ah oo reer Masar ah ayaa wajahaysa dacwad la xidhiidhta
“in ay faafisay hadal kicin dhalinaya” ka dib markii ay tilmaantay in qofkii caba biyaha Niil uu xannuunsan karo.
Dacwad ayaa laga gubdiyay Sherine Cabdel Wahab, ka dib markii uu soo baxay muuqaal muujinaya iyada oo masax taagan oo laga dalbanayo in ay qaado heer la dhoho Maka soo cabtay wabiga Nile?
Waxay ku jawaabtay “haddii aan ka cabo biyaha niil waxaan qaadi xannuunka kaadi-dhiigga”.
“Waxaad cabtaan Evian, iyadaa dhaantee,” ayay sii raacisay.
Ururuka Fannaaniinta Masar ayaa ku dhawaaqay in ay masraxyada ka mamnuuceen haweenaydaas 37 jirka ah, arrintaas oo salka ku haysa “ku jeesjeesidda aan qiilka loo helaynin ee ay u gaysatay Masarta qaaliga ah”.
Ururku wuxuu sheegay in uu baaritaan wado uusanna ruqsad siin doonin Sherine tan iyo inta ay si rasmi ah uga jawaaabayso su’aalaha ay qabaan masuuliyiintu.
Sherine ayaa markii dambe raaligalin ka bixisay “kaftankii doqonnimada ahaa” ee ay ka tiri bandhig faneedka in kabadan hal sano ka hor.
“Dalkayga aan jeclahay ee Masar iyo dadka dalkayga Masar, waxaan raaligalin qalbi ka soo go’day idinka siinayaa xannuunka laga yaabo in aan idiin gaystay” ayay intaas ku sii dartay.
Berberatoday.com