|
|
London(Berberatoday.com)-Maxamed Yasin Xasan oo hore uga soo mid ahaa wasiirada xukumada Madaxweyne Siilanyo xiligii la doortay kuna jiray golihii wasiirada ee xiligaas la magacaabay mudo koobana ahaa wasiirk kaluumaysiga,Khayraadka Bada Iyo Dekedaha hadana kamida Xisbiga Mucaaradka ah ee Waddani dhawaan xabsiga loo taxaabay isaga oo lagu eedeeyay inuu Gacantiisa Kusoo bandhigay buugii laga xaday komishinka doorashooyinka mudo maalmo kobanoo uu xidhnana xabsiga laga sii daayay ayaa maanta markii uu gaadhay Magaalada London ee cariga Ingiriiska oo uu daganyahay islamarkiiba bartiisa facebooka soo dhigay qoraal uu kaga hadlayo xadhigii lagula kacay iyo cidii ka danbaysay isaga oo sheegay in xadhigaas lagula kacay uu ka danbeyay wasiirka Madaxtooyada somaliland ee Xukumada wakhtigeedu dhamaaday Maxamud Xaashi Cabdi isaga oo xusay inuu xadhigaasna u adeegsaday Taliyaha guud ee Ciidamada Booliska Somaliland cabdillahi Fadal Iimaan.
qoraalka Maxamed yasin Bartiisa Facebooka soo dhigay ayaa waxa uu ku sheegay in Wasiir Maxamud Xaashi uga dan lahaa Xadhigiisa inay iskau dhacaan Beelaha Madaxweynaha La doortay Muuse Biixi Cabdi Iyo Musharaxii Xisbiga Waddani ee doorashada lagaga guulastay Cabdiraxmaan Maxamed Cabdillahi(Ciro) waa sida uu qoraaliisa Ku sheegay Maxamed Yasin Xasan oo kamida saraakiisha Xisbviga Waddani uqaabilsanaa tiurinta codadka xarunta guud ee Komishanka Doorashooyinka La keenay.
Halkan Hoose Ka akhri Qoraalka Uu Maxamed Yasin Xasan soo dhigay Bartiisa facebook
Salaam Asxaabtayda.
AFGEMBIGII DHICISOOBAY EE WASIIRKA MADAXTOOYADA.
—
Waxa aan si nabad ah ku imi London saaka subaxnimadii.
Raggii iyo Dumarkii i taageeray intii aan xidhnaa si gaar ah ayaan ugu mahad celinayaa.
Xadhigaygii waxa ka danbeeyay Wasiirka Madaxtooyada Mohamud Hashi oo adeegsanaya Gen.Fadal, Taliyaha
Ciidanka Boliska.
Waxa aan cadaynayaa in aan Komishanka, Xeer Ilaalin, Maxkamad iyo Qof kale oo Somalilander ahi ku lug lahayn xadhigayga.
Waxa uu ka bilaabmay kuna dhamaaday Mohamud Hashi iyo Fadal iyo Intii Muse hore u miinayn jiray.
Waxana uu ahaa qorshe lagu abuurayay dagaal sokeeye oo dhexmara Beelaha Muse iyo Ciro.
Markaa kadib na Saleeban Gaal wadanka loo dhiibo si Kursiga loogu sii fadhiyo.
Afgembigaasi wuu fashilmay, waxana fashiliyay waxgardka labada Beelood iyo Safiirada EU iyo USA, oo ah Wadamada daneeya Somaliland.
Warkii dhabta ahaa ee arrintan iyo Dalka dhowaan baan TV yada soo dhigayaa ee la socda.
W/Q Mohamed Yasin Hassan
London