|
|
Aftahannews(Berberatoday.com)-Moeen Ali, waa Ciyaartooy ka tirsan Xulka Qaranka England ee Kubbadda Cricket-ka, waxaana uu caan ku yahay Gadh wayn iyo inuu yahay Daaci faafiya Diinta Islaamka oo Dadka u tusa in Diinta Islaamku wanaagsan tahay, Dadka haystaana aanay dhammaantood xumayn haddii laga dhaadhiciyey in Islaamku xun yahay Dadka uu Wacdiyayo, isla markaana waxa uu u sheegaa inay jiraan Dad la Khalday oo aan Diinta wanaaggeeda iyo Nasteexeeda si fiican loo fahansiinnin.
30 jirkan oo sannadkii 2015 loo caleemo saaray xiddigii ugu fiicnaa markii uu dalkiisu ku guulaystay tartanka Ashes, ayaa waxa uu sheegay in dadka ku nool magaalada Birmingham ee deriskiisa ah ay doonayaan in sidiisa oo kale ay dadka Muslimiinta ah noqdaan, islamarkaana ay fahmeen diinta“Waxaan doonayaa in dadku aniga isoo eegaan, oo ay igu daydaan, waayo muslimiintu dhamaantood maaha dad xun.” sidaa ayuu yidhi Moeem Ali.
Moeem Ali oo dhawr warbixinood oo uu diinta Islaamka kaga hadlayo“Waxa jira waxyaabo xunxun oo dadka maskaxdooda ay geliyeen warbaahintu oo ku saabsan diinta Islaamka, laakiin waxaan rajaynayaa inaan dadka dhinaca kale wax ka tusiyo oo iimaankooda kor aan u qaado, si aanay uga baqanin cibaada oo ay sameeyaan waxay rabaa. Isla markaana ay noqon karaan ciyaartoy Cricket ama ciyaaro kale ama wixii kale ee ay doonaan.” ayuu yidhi Moeem Alli.
Khadar Jaamac Dirir
aftahaninc@gmail.com