Wasiirka Arrimaha Bulshada Oo Ka Hadashay Xeerka Tacadiyada Ka Dhanka Ah Haweenka Oo La Ansixiyey+Akhriso/Daawo

berberatoday.com

January 8, 2018 - Written by Berbera Today

Hargeysa(Berberatoday.com)-Wasiirka Wasaaradda Arrimaha Bulshada iyo Shaqo-gelinta Somaliland Marwo Hinda Gaani, ayaa Mudaneyaasha Golaha Wakiillada ku bogaadiyey Ansixinta Xeerka Xeerka Kufsiga iyo Tacadiyada Jinsiga ah, kaasi oo muddo hor-yaallay.

Shir-jaraa’id oo Wasiirka Arrimaha Bulshada iyo Shaqo-gelintu ku qabatay Xafiiskeeda Hargeysa ka dib markii Mudaneyaasha Golaha Wakiilladu ansixiyeen Xeerka Kufsiga iyo Tacadiyada Jinsiga ah ee ka dhanka ah ee Haweenka.

Wasiirka oo Arrimaha ka hadlaysaana waxay tidhi “Waxaan Hambalyeynayaa Haweenka Reer Somaliland, maaddaama oo Golaha Wakiilladu ansixiyeen Xeer aan odhan karo waa kii ugu mudnaa ee lagu ilaalinayo Xuquuqda Haweenka iyo Tacadiyada ka dhanka ah, sida Kufsiga.”