|
|
Berbera(Berberatoday.com)-Xukumada Cusub ee Madaxweyne Muuse Biixi Cabdi hogaaminayo oo utafaxaydatay soo celintii hantidii qaranka ee la boobay mudadii ay dalka xukumaysay xukumadii Madaxweynihii hore ee Somaliland Axmed Siilanyo ayaa waxa ay dhawaan kala wareegtay Maslakhii Gawraca ama kawaankii loogu talagalay gawaraca xoolaha la qalayo ee Debeda loo dhoofinayo(surgery Camp for animal)
Wiilka musuqmaasuqa ku caan baxay ee lagu magacaabo Baashe Morgan ee Madaxweynihii hore ee Somaliland Axmed Siilanyo Sodoga Uyahay oo damacsanaa inuu mulkiyada Kawaankan isku qoro mulkiyada Kawaanka isaga oo horena uga sheegay Warbaahinta in Dawlada isutaga Imiraatka Carabtu ugu deeqday Dawlada Somaliland kawaankaas oo si casriya loo sameeyay loona qalabeeyay iyada oo laga dhisay agagaarka Cisbataalka Ciidan Xooga ee Berbera oo masaafo kooban dhinaca bari kaga beegan magaalada berbera.
Maslakhan ama kawaanka xoolaha lagu qali doono lagana dhoofin doono iyaga oo qalan ayaa la sheegay in dawlada dhexe oo kaashanaysa khabiiro dhinaca adeega kawaanada ah oo udhashay Somaliland dagana dalka debediisa ayaa qorsheeyay in lagu wareejin doono shirkad cilmi badan uleh kawaanada iyo qaabka looga shaqeeyo haday tahay qalitaanka xoolaha. Nadaafada, Caafimaadka Xoolaha iyo dhoofinta shirkadaas oo aan ilaa hada heshiis lala galin ayaa la sheegay in la raadinayo dhawaana la filayo in la hello oo sidaas loogu wareejin doono xukumaduna heshiis rasmiya oo labaahin doono la gali doonto dushana ay ka maamuli doonto kawaanka Xukumadu waa siday sheegayaan xogo rasmiya oo aanu helay.
Baashe Morgan oo ah wiilka uu Madaxweynihii hore ee Somaliland sodoga u ahaa ayaa boob badan oo hantida qaranka ah dalka ka gaystay mudadii uu sodogii xukunka dalka hogaaminaayay waxaanu islamarkaa qorshihiisu ahaa inuu Mulkiyada kawaanka isku qoray oo sheegto inuu isagu leeyahay Waxaanu hoosta ku haystay waraaqo uu ka saxeexday Sodogii Siilanyo hase yeeshee Madaxweynaha hada talada dalka haya ayaa arinkaas si qota dheer u eegay ogaadayna in hantidii dalka la dhacayo amar culusna kaga wareejiyay iyada oo cadaymo uu Baashe Morgan laftiisu sheegayo in qaranku leeyahay kawaanka la soo bandhigay taasi oo jidka utilmaantay wiilka dhaca hantida umada ku mamay ee ku magacawnaa Wakiilka Somaliland ee dalka isutaga imiraatka Carabta.
Berberatoday.com