|
|
California(Berberatoday.com)-Waalid degen magaalada Peres ee Gobolka California ee Dalka Maraykanka ayaa waxay gurigooda ku dhex xidheen 12 carruur ah oo ay dhaleen.
Carruurtan ayaa la sheegay inay guriga ku dhex gaajoodeen sidoo kalena wasakh aad u darrani ka muuqatay, halka qaar ka mid ahina silsilado ku xidhnaayeen.
Gabadh ka mid ah carruurtaasi oo da’deedu tahay 17 jir ayaa waxay teleefanka ka war galisay ciidammada Bileyska ee magaaladaasi waxaanay ciidammadu isla markiiba gaadheen gurigay ku xidhnaayeen 12ka Carruur ahi.
Labada waalid ee dhalay Carruurta oo magacyadooda la kala yidhaahdo David Turpin oo ah aabaha carruurtaasi dhalay da’diisu tahay 57 jir, halka hooyada carruurtaasi dhashay oo magaceeda la yaaidhaahdo Loiuse Ana da’deeduna tahay 49 jir ayaa haatan ku jira gacanta ciidammada ammaanka ee magaaladaasi.
Ciidammada ammaanka ayaa sheegay in labadaasi waalid aanay sheegin sababta amase dhibaatada keensatay inay ubadkooda xidhaan, waxaanay ciidammadu sheegeen in labadani waalid ay ciqaab ku muttaysan doonaan dambiga lagu soo oogi doono ee ah inay Ciqaab darran mariyeen ubakooda ay dhaleen.
Carruurtan ayey da’doodu u dhexeysaa 2 jir ilaa 29 jir.
Berberatoday.com