Hargeysa(Berberatoday.com)-Dagaal is gacan saar ah ayaa ka dhex dhacay dad ku sugnaa goob laga dukaamaysto,
kuwaasi oo is gaadhsiiyay dhaawacyo halis ah, sababta keentay in dadka tirada badani ay
gacmaha isku saareen ayaa waxay ahayd in qiima dhimis lagu sameeyay Shokoolataha
Notela oo ay aad u jecel yihiin dadka Dalkaasi u dhashay.
Qaybaha Kala duwan ee Super Market-ka Intermarch ayaa waxay shaaciyeen qiima dhimis
ballaadhan oo ay ku sameeyeen qiimaha lagu iibinayo Shokoolaataha ee 950 Kg oo
qiimihiisi hore ahaa 4.7 Euro isla markaana qiimihiisa haatan laga dhigay 1.41 Euro oo u
dhiganta 1.8 Dollar.
Shakoolaha Notela ayaa ah mid aad looga isticmaalo gudaha Dalkaasi France waxaana
had iyo jeer lagu qaybiyaa maqaaxiyaha dalkaasi, balse Goobahaasi ganacsi ayaa waxa la
yaab ku noqotay dadka u yimid inay iibsadaan Shokoolahaasi oo si kedis ah isku gacan
saaray isla markaana dagaal darrani uu dhex maray.
Haweenay ka mid aheyd dadkii goobtaa ku sugnaa ee u yimid inay iibsadaan ayaa wareysi
ay siisay wakaalada wararka ee Le Progre waxay ku tidhi “Dadka isku yimid waxay u
dhaqmayeen sida Xayawaanka oo kale, haweenay ayaa waxa la jiiday timaheeda, islaan
kale oo da weyna waxa lagu dhuftay feedh, halka nin ka mid ahaa dadka iibsanayay Notela
Gacantu ay dhiigaysay”.