Abooy markaan. 
Adduunyada imiyo. 
Ilaa maanta oon. 
Awood leeyahoo.
Arrin lay dirsado. 
Mar kastaba adaa. 
Usha ii Sidoo. 
Edebta iyo diin. 
Iga dhigay adeec. 
Akhlaaq fiicanoo.
Ma ilaabi karo. 
Abaalkaagiyoo. 
Aayado duco ah. 
Ayaantii kastaba 
Inaan kuu kuu akhriyo. 
Waad istaahishaa. 
Ehelkii janada. 
ALLE kaa dhigyoo. 
Ambiyadi wacnaa. 
Asaxaab la noqo.

Aboow samoow. 
Ilaa maalintii. 
Lagu qoray askari.
Maraad alifle iyo. 
Dable aad ahayd. 
Iyo aabo qaar. 
Aad steeshiniyo. 
Unug haysatiyo. 
Maantood ahayd. 
Taliyaha amniga. 
Gaadiidka idilka 
Arligaa burcaba. 
Lagu aaminood. 
Derejada astaan. 
kabtan kuu ahayd. 
Eex looga baran. 
Aabooy Adaa. 
Talo iyo adduun. 
Anfacada xalaal. 
Ubadkaaga dheef. 
Inamiyo hablaba. 
La ag joogayayoo.
Axad waxad ahayd. 
La amaanayoo. 
iin lagu naciyo. 
Afxumiyo nusqaan. 
Dadka odhaninoo.
Wax ilaaliyoo. 
ALLE dhawrayoo.
Ma ilaabi karo. 
Abaalkaagiyoo. 
Aayado Duco ah. 
Ayaantii kastaba. 
Inaan kuu akhriyo. 
Waad istaahishaa. 
Ehelkii janada. 
ALLE kaa dhigyoo. 
Ambiyadi wacnaa. 
Asaxaab la noqo.

Aabooy markii. 
Malag Amar qabaa. 
Ajashaada jaray. 
Amin waxay ahayd. 
Aad axsaan fal iyo. 
Amuur Waajibaad. 
U adeegaysoo. 
Arrintaad wadaa. 
ALLE kaaga dhigi. 
Midaad aakhiriyo. 
aayaha RAXMAAN. 
Ajar kaga heshoo. 
su,aalaha igmane. 
iilkaaga yaal. 
Kuwaan kugu adkaan. 
Oo wada ansaxa.
EEBAA kaaga yeel.
Anigana cishadad. 
Aabooy go,daa.
ii noqon ayaan abidkeed madow. 
Oon waliba tebo. 
Odayniimadaan. 
Ifka kugu qabeen. 
Kugu eegan jiray. 
Abooy anana. 
Ooli mayno ee
Intaan noolahiyo. 
Inta ii hadhee. 
ii iman xaquna.
Waxan sii ahaan.
Mid agoon ahood. 
Ka ag maqan tahee. 
Naxariis ILAAH. 
aabooy ku sii. 
Ana ereyo iyo
Aabooy odhaah. 
Astaantaad lahayd. 
Aan idhaah marnaba. 
Kuma ururin karo. 
Abaalkaagiyoo. 
Aayado Duco ah.
Ayaantii kastaba. 
Inaan kuu akhriyo.
Waad istaahishaa. 
Ehelkii janada. 
ALLE kaa dhigyoo. 
Ambiyadi wacnaa. 
Asaxaab la noqo. 
Aamiin ALLOOW
AAMIIN DUCADA. 
ALLOOW IGA AJIIB. 
AAAMIIM AAAMIIN

W/Q Mohamed Abdillahi Faarax(Soofadhiiste)