Baarlamaanka Koofur Afrika Oo Madaxweyne Cusub, Ka Dib Markii Uu Iscasilay Madaxweynihii Hore Ee Dalkaasi

February 16, 2018 - Written by Berbera Today

South Africa(Berberatoday.com)-Baarlamaanka Koofur Afrika ayaa fadhi uu maanta yeeshay

waxaa uu doortay Madaxweyne cusub, kaddib is casilaadii Madaxweyne Jacob Zuma oo xalay ku dhawaaqay inuu is casilay, kaddib cadaadis uga yimid Xisbigiisa.

Cyril Ramaphosa oo 65 jir ah ayaa loo doortay Madaxweynaha Koofur Afrika, iyadoo uu ahaa ninka kaliya ee u sharaxnaa inuu bedelo Jacob Zuma.

Ramaphosa ayaa sheegay in diiradda u saaran tahay sidii uu ula dagaalami lahaa musuq maasuqa.

Xisbiga ANC oo haya talada dalka ayaa sabab u ahaa inuu is casilo Madaxweyne Zuma, kaddib markii ay ugu hanjabeen inay codka kalsoonida u qaadayaan hadii uu is casili waayay.

Koofur Afrika ayaa todobaadyadi u dambeeyay ku jirtay qalalaase siyaasadeed, waxaa horay Zuma uga badbaaday mooshin xil ka qaadis ah, horay ayaa loogu soo jeediyay eedo musuq maasuq la xidhiidhay