|
|
Burco(Berberatoday.com)-Ciidamada amaanka Somaliland ayaa waxaa ay gacanta ku dhigay Xabsigana Utaxaabeen Siyaasi Magaciisa layidhaa Saleebaan Ibraahim Maxamud oo Hadal oo maalintii shalay burco kaga hadlay hadalo qaran dumisnimo iyo hanjabaad uu Madaxweyne Muuse Biixi Cabdi ku waajahan kaga dhawaaqay magaalada Burco ee xarunta Gobolka Togdheer.
Siyaasi Saleebaan Ibraahin Maxamuud ayaa dhawaan magaalada Burco ka sheegay inuu samaynayo maamul goboleedka Saaxil State layidhaa, isaga oo aad u dhaliilay mashruuca sahaminta shiidaalka ee laga bilaabayo magaalada Berbera iyo shirkada lagu wareejiyey maamulka dekeda Berbera oo uu Madaxweyne Muuse Biixi ku tilmaamay mid waxba ka qaban waayay arimahaas.
Sidoo kale Waxa uu siyasigani Madaxweyne Muuse Biixi ugu baaqay inuu xilalka ka qaado Wasiirka Arimaha Debeda Sacad Cali Shire Iyo Wakiilka Somaliland ee dalka isutaga Imiraatka Carabta oo ku eedeeyay khiyaamo qaran inay dalka ka galeen loona baahanyay in talaabo sharci laga qaado.
Ciidamada amaanka Gobolka Togdheer ayaa siyaasigan oo kasoo jeeda deegaan ahaan gobolada Saaxil Iyo Togdheer xabsiga utaxaabay.
Halkan Hoose Ka Daawo Hadalada Uu Ku Hadlay siyaasi Saleebaan Ibraahim Maxamud Ee uu Xadhiga Ku Mutaystay
Berberatoday.com