|
|
Liverpool(Berberatoday.com)-Weeraryahanka Reer Senegal ee Sadio Mane ayaa helaya abaalmarin qaali ah oo la xidhiidha mushaharka uu ka qaato kooxdiisa kaddib markii uu soo bandhigay ciyaar cajiib ah kulankii Champions League ee FC Porto oo uu dhaliyey saddexley.
Sadio Mane ayaa ay Liverpool u soo bandhigtay saxeexa heshiis cusub oo kor u qaadaya gunnada uu ku qaato qandaraaskiisa hadda oo dhacaya badhtamaha sannadka 2021.
Weeraryahankan oo laba sannadood ka hor kaga soo biiray Southampton ayaa ay Liverpool ka baqaysaa in kooxo kale ay ka afduubtaan haddii uu dareemo saluug dhinaca lacagta ah.
Liverpool oo xagaagii ay Barcelona 143 milyan oo Gini kaga qaadatay Coutinho ma dooneyso in ciyaartoy kale uu si sahal ah kaga baxo, taas daraadeedna qandaraaska cusub ee ay ka saxeexayso Mane waxa uu derbi adag ka noqnayaa kooxaha damacu kaga jiro.
Berberatoday.com