Daawo Muuqaalada”Dadweynaha Reer Somaliland Oo Dibad-bax Ku Muujiyey Sida Aanay Raalida Uga Ahayn Faro-gelinta Dawlada Xamar

March 16, 2018 - Written by Berbera Today

Hargeysa(Berberatoday.com)-Dadweynaha reer Somaliland ee ku dhaqan Gobollada iyo Degmooyinka Dalka ayaa Maanta sameeyay Dibad-baxyo waaweyn oo ay ku taageerayaan Heshiisyada Dawladda Somaliland la gasho Shirkadaha iyo Dawladaha Caalamka, gaar ahaan Heshiiskii Maalgelinta Dekedda ee Dawladdu la saxeexatay Shirkadda DP WORLD iyo Itoobiya.

Dibed-baxayaasha reer Somaliland oo Fagaareyaasha Magaalooyinka Dalka ay kala qayb-galeen Madaxda Dawladdu, ayaa waxay dhawaaq dheer ku sheegeen in aanay Raali ka ahayn in Dawladda Aan iskeed isku Maamulin ee Soomaaliya faro-gelin ku samayso Heshiisyada Somaliland la galayso Adduunka.