|
|
Hargeysa(Berberatoday.com)-Biyuhu waxay kaalin laxaad leh ka qaataan hoos u dhiga miisaanka qofka, sidoo kalena waxay jidhka ka ilaaliyaan qaleylka waxa kale uu jidhku dareemaa firfircooni dheeraad ah mar kasta oo qofku uu biyaha cabo.
Haddaba, waxay dhakhaatiirtu uga digaan dadka in aanay biyaha cabin hurdada ka hor sababtuna waxay tahay in biyaha la cabo marka la sii seexanayo ay sabab u yihiin miisaanka oo kor u kaca.
Sidoo kale biyaha uu qofku cabo hurdada ka hor ayaa waxay sabab u noqonayaan inuu qofku seexan waayo hurdo wanaagsan isla markaana waxa uu marar dhawr ah u kacayaa sidii uu u gali lahaa Suuliga.
Waxa habboon inuu qofku cabo biyaha inta aanu seexan saddex saacadood ka hor sidoo kalena uu cabo ilaa iyo sideed koob oo biyo ah qofka jecel inuu miisaankiisa dhimo.
Berberatoday.com