|
|
Moqdisho(Berberatoday.com)-Weerar loo adeegsaday gaadhi walxaha qarxa laga soo
buuxiyay ayaa waxaa uu ka dhacay nawaaxiga hotelka Weheliye ee magaalada Muqdisho.
Warar hor dhac ah ayaa sheegay in qaraxa lagu bartilmaameedsaday goob dad badan ku shaahayeen, waxaana jira khasare baaxad leh oo ka dhashay qaraxan.
Ugu yaraan 14 ruux ayaa la rumeysan yahay in ay qaraxan ku dhinteen kuwaas oo u badnaa dad ka ag dhawaa goobta qaraxa uu ka dhacay.
Waxaa sidoo kale jira dad badan oo qaba dhaawacyo kala duwan oo la dhigay goobaha caafimaadka magaalada Muqdisho, kuwaa oo qaarkood la leeyahay waxaa soo gaaray dhaawacyo culus.
Hotel Weheliye ayaa ku yaala Waddada Maka Al-Mukarama oo ka mid ah jidadka ugu mashquulka badan caasimada, waxaana ku yaala goob ganacsi haba ugu badnaadeen Hotellada ugu caasan magaalada.
Halkan Hoose Ka Daawo Muuqaalka Warkan
Berberatoday.com