Hargeysa(Berberatoday.com)-Xisbiga Kulmiye oo ka hadlay go’aankii uu maanta xisbiga mucaaridka ah ee Waddani kalsoonidii kala noqday Koomishanka Doorashada Qaranla wuxuu ku tilmaamay in go’aankaasi aanu ahayn wax caqli gal ah.

Guddoomiyaha golaha dhexe ee xisbiga Kulmiye Jaamac Shabeel oo la hadlay idaacadda VOA waxa uu sheegay in haddii la kala diro xubnaha guddiga doorashooyinka ay sababi karto dib u dhac ku yimaada doorashada golayaasha deegaanka iyo wakiiladda.

Maanta ayay ahayd markii xisbiga mucaaridka ah ee Waddani uu sheegay in ay kalsoonidii kala laabteen guddiga doorashooyinka qaranka, iyagoo soo jeediyey in deg deg loo kala diro guddi cusubna la dhiso.