|
|
Hargeysa(Berberatoday.com)-Guddoomiyaha Guddiga Khayraadka Dabeeciga ah iyo Deegaanka ee Golaha Wakiillada Somaliland Xildhibaan Siciid Maxamed Gaane oo Waraysi siiyey Somalinewstv, ayaa Madaxweynaha Somaliland ugu baaqay inaanu Shidaalka ay Shirkadda Genel Engergy shaacisay inay 2019-ka ka soo saari doonto Somaliland noqonnin mid sida Nageria Burbur iyo Balanbal u horseeda Dadka iyo Dalka Somaliland, balse uu noqdo mid Sharci, Nidaam, Cadaalad iyo Nabad laga dheehan karo horumar dalka iyo dadkaba ugu horseeda.
Xildhibaan Madaxweyne Muuse Biixi uga digay Shidaalka ay Genel Engery shaacisay inay Somaliland ka soo saarayso 2019-ka
Xildhibaan Siciid Gaane, ayaa Waraysigan uu siiyey Somalinewstv waxa uu Madaxweyne Muuse Biixi ugu soo jeediyey inuu Heshiiska Shidaal soo-saarista ee Shirkaddaasi kula jirto Somaliland uu horkeeno Golaha Wakiillada si ay u eegaan, isla markaana u ansixiyaan, sida uu Dastuurka Jamhuuriyadda Somaliland Waajibinayo, haddii kale aanu waxba ka duwanaan doonin Xukuumaddii Sharciga gacanta ku sidatay ee Madaxweyne Siilaanyo, sida uu hadalka u dhigay Xildhibaanku.
Warbixinta Waraysiga kooban ee uu Xildhibaan Gaane siiyey Somalilandnewstv, waxaannu idiinku soo gudbinaynaa Muuqaalkan Hoose ee Daawasho wacan oo wanaagsan:-
Berberatoday.com