Hay’ad Somaliland Ka Caawisa Cidhib-tirka Cudurka Qaaxada Oo Sannadkan Boqolkiiba Lixdan Hoos U Dhigtay Taageeradeedii Dhaqaale
March 26, 2018 - Written by Berbera Today
Hargeysa(Berberatoday.com)-Magaalada Hargeysa ee Caasimadda Somaliland waxa Shalay lagu qabtay Xuska Maalinta Qaaxada Adduunka, kaasi oo Sannad walba la qabto, si Dadweynaha Adduunka ku nool loogu baraarujiyo Khatarta Xanuunka isla-markaana loo dhiirigeliyo Hawl-wadeennada Caafimaad ee caawiya Dadka Xanuunkani haleelo.
Xuska Maalinta Qaaxada oo ay ka qayb-galeen Masuuliyiin uu ka mid yahay Madaxweyne ku-xigeenka Somaliland, ayaa Wasiirka Wasaaradda Horumarinta Caafimaadka Dr. Xasan Ismaaciil Yuusuf ka sheegay in Hay’adda Global Fund oo Somaliland ka caawin jirtay la dagaalanka Qaaxadu ay 60% Sannadkan jartay wixii ay siin jirtay ee dhaqaale ahaa, sidaasi darteed-na loo baahan yahay isku tashi, si loo sii wado dedaallada lagu cidhib-tirayo Qaaxada.