Wakiilka Somaliland u fadhiya dalka Imaaraadka Carabta Baashe Cawil oo la hadlay BBC-da qeybteeda Ingiriisiga ayaa sheegay in saldhigaasi lagag duulli doono kooxda qeybo kamid ah dalka Yemen gacanta ku haysa ee Xuutiyiinta.

Baashe Cawil oo la hadlay BBC-d waxaa uu sheegay in Somaliland ahaan ay faa’iido badan ku qabaan saldhiga millatari ee dawlada Imaaraatku ka dhisay magaalo xeebeedka Berbera waxaana uu sheegay in qorshaha ay ku jirto in saldhiggaasi laga weerarro kooxaaha Xuutiyiinta ee ku sugan dalka Yemen.

“Imaaraatka Carabtu waxay saldhiggaas noo tababari doonaan ciidamadeena amaanka sidoo kalena waxay iyagu u adeegsan doonaan in ay uga duulaan dalka Yemen” ayuu yidhi Baashe Cawil Cumar oo ah wakiilka Soomaaliland ee Imaaraatka Carabta.

Dawlada Imaaraatku waxay waxay qeyb ka tahay dawladdo ay ciidamadoodu ku duuleen dalka Yemen ayagoo caawinaya dawladda la aqoonsanyahay ee Yemen.

Ugu danbeyntiina dhawaan ayay ahayd markii muuqaalo baraha bulashada lagu baahiyey lagu sheegay in ay yihiin Xauutiyiinta oo u hanjabaysa dawladda Somalind.

Kooxda Xuutiyiinta ah ee ka dagaalanta dalka Yemen ayaa tiraba dhowr jeer hore weerarro ugu qaaday dalka Sucuudiga iyaga oo adeegsanaya gantaalaha awooda u leh in uu meel dheer gaadho. Saldhiga Imaaraadka Carabta laga siiyey magaalo xebeedka Berbera ayaa khatar amni ku keeni kara Somaliland haddiiba uu Imaraadku ka qaado taallaabooyin uu ku weeraraayo Xuutiyiinta Yemen ku suga.

Halkan Guji Oo Ka Akhriso Warkan

Berberatoday.com