|
|
Hargaysa(Berberatoday.com)-Masuulkii labaad ee Madaxweyne Muuse Biixi uu u magacaabo xil Qaran oo ka mid ah xukuumadiisa ayaa iscasiley.
Masuulkan iscasiley oo ahaa xilka Agaasimihii Guud Ee Wasaarada Qorshaynta Qaranka Mudane Prof Cabdi Cali Jaamac ayaa xilkaasi iska casiley, iyadoo aanu sheegin sababta rasmiga ah ee ku kaliftay tallaabadaasi.
Agaasimaha Wasaarada Qorshaynta Qaranka Prof Cabdi Cali Jaamac, ayaa iscasilaadiisan xalay ku baahiyey qoraal uu soo dhigay barta uu ku leeyahay Facebook, taasi oo aanu ku sheegin sababta iscasilaadiisa, waxaanu qoraalkaasi u dhignaa sidan:-
Is-casilaad.
“Maanta oo taariikhdu tahay 11kii bishii April, 2018, waxaan iskaga tegay xilkii agaasimaha guud ee aan hayey.
Haddaba, Sababta keentay iscasilaadan deg dega ah ee Agaasimaha guud ayaan wali si rasmiya loo ogeyn, balse Wargeyska Himilo oo isku dayey inuu wax ka ogaado amase uu ka xaqiijiyo Agaasimaha iscasiley ayaanay u suurto gelin, kadib markii uu qaban waayey taleefankiisa gacanta oo aanu in badan wacnay.
Agaasime Prof Cabdi Cali Jaamac waxa uu ka mid ahaa masuuliyiintii uu mar kale uu dhawaan Madaxweyne Muuse Biixi uu dib ugu magacaabay isla xilkii uu ka hayey Xukuumadii hore ee Axmed-Silaanyo oo ahaa xilkan uu hadda iska casiley.
Dhinaca kalena, iscasilaada Masuulkan ayaa noqonaysa masuulkii labaad ee iska casilay Xukuumadda Madaxweyne Biixi, iyadoo hore ama masuulkii u horreeyay ee diida xil loo magacaabo ama iscasilaa ay aheyd Marwo Khadra X. Gaydh oo Madaxweynuhu dhammaadkii bishii labaad ee sanadkan 2018 uu u magacaabay Xilka Guddoomiye Ku-xigeenka Hay’adda Dhawrista Tayada.
Berberatoday.com