|
|
Muqdisho(Berberatoday.net/com)-Wararka naga soo gaaray hadda Muqdisho ayaa sheegaya in goor dhaw la toogtay labo nin oo lagu eedaynayo in ay dileen Gabar Wariye ahayd oo u shaqeynaysay Warbaahinta dawladda Faderaalka ee Soomaaliya.
Nimanka la dilay waxaa xukuntay Maxkamada ciidamada Qalabka sida ee dawladda Soomaaliya, waxaana lagu eedeyey in ay dileen Wariye Hindiya Xaaji Maxamed oo ahayd gabar Saxafiyad ah.
Labada nin ee saaka lagu fuliyey xukunka Maxkamadda ayaa magacyadooda lagu sheegay Cabdirisaaq Maxamed Baroow & Xassan Nuur Cali, oo horey uga soo muuqday Shaashada Tv-ga dawladda Soomaaliya.
Maxkamada ciidamada ayaa waxba Rafcaan ah ka diiday ehelada labada nin oo ku doodayey in aysan waxba dambi ah galin, balse Qirashadooda awgood ayaa lagu saaray Maxkamadda.
Saraakiisha Maxkamada ayaa saaka ka sheegay madasha, in ay dhawaan sidaas oo kale xukunkan oo kale ku fulin doonan rag horey dil ugu geystay Suxufiyiin Soomaaliyeed.
Fulina xukunkan wuxuu ku soo beegmayaa xili uu xiran yahay mid kamid ah xubnihii ugu sareeyey Shabaab ee uqaabilsanaa dhinaca Shirqoolka Wariyaasha Xassan Xanafi oo loo bixiyey DILAAGA WARIYAHA.
Berberatoday.com