|
|
Berbera(Berberatoday.com)-Golaha deegaanka degmada Berbera ayaa maanta anshax marin ku sameeyay saddex xildhibaan oo ka tirsan golahaasi kuwaas oo warbaahinta mariyay hadallo xanaf iyo Xajiin leh oo ay kaga hadleen shaqaaqo ka taagan deegaanka Bahdoon oo ka tirsan Gobolka Saaxil.
Xildhibaanadan oo kala ah Rashiid Cabdi Haaruun, Maxamed Cali dheere iyo Cali Cabdi Dheere waxa lagu gannaaxay in Hal kalfadhi golaha aanay ka soo xaadirin iyo in midkastaa bixiyo saddex milyan oo shilling Somaliland ah.
Shirkan oo dhacay xarunta Rugta Kutubta Berbera ee Berbera Readers Club waxa guddoominayay Ganaaxana warbaahinta Ka Hor akhriyay Gudoomiyaha Golaha Deegaanka Degmada Berbera ahna Maayirka Berbera Cabdishakuur Maxamud Xasan Cidin Waxaana Kasoo qeyb galay qeyb kamida Xildhibaanada golaha deegaanka Degmada Berbera Waana Markii uhoreysay ee Xildhibaano Gole Deegaan la anashaxa Mariyo waxaana ugu horeeya oo talaabadaas qaaday golaha deegaanka Degmada Berbera.
Berberatoday.com