Dawlada Iran Oo Iminka Ka Hadashey Kulankii Trump Iyo Kim John Un Digniina U Dirtey Kuuriyada Waqooyi

berberatoday.com

June 13, 2018 - Written by Berbera Today

Iran(Berberatoday.com)-Dalal badan ayaa soo dhaweeyey heshiiska Singapore, hase yeeshee wadanka Iran ayaa qaba aragti taa ka duwan.

Saraakiisha Iran waxay markiiba digniigo u direen Kuuriyada Woqooyi oo ay uga digayaan in Trump heshiiskaa ka bixi karo intaanu kuba noqon Washington.

“Garan mayno nooca ay tahay shakhsiyadda qofka uu hogaamiyaha Kuuriyada Woqooyi wada xaajoodka la gelayaa” ayuu yidhi af-hayeenka dawladda Iran oo ay soo xigatay wakaaladda wararka ee Iran

Bishii hore ayaa Trump waxa uu sheegay in uu dalkiisu ka baxay heshiiskii nukliyeerka ee Iran lala galay sannadkii 2015-kii waxaanu ku tilmaamay in uu ahaa heshiis “sal iyo baarba kharriban”.