|
|
Addis Ababa(Berberatoday.com)-Cabdikariim Sheekh Muuse Qalbi Dhagax ayaa markii ugu horeysay ka hadlay dadkii ku lugta lahaa ama ka dambeeyey in lagu wareejiyo dowladda Itoobiya.
Qalbi Dhagax waxa uu sheegay in Ciidamo ka tirsan Nabad-Sugida Soomaaliya ay ka qabteen Magalada Gaalkacyo,isla markaana mudo Saddex cisho ah uu ku xidhnaa halkaas kadibna ay u soo wareejiyeen Xabsiga Godka Jilacow eeMagaalada Muqdisho.
Isaga oo sii hadlayay ayuu sheegay in sidoo kale mudadii uu ku xidhnaa Gaalkacyo iyo Muqdisho ee lixda Cisho aheyd ay ogaayeen madaxda ugu sareysa dowladda balse ay go’aankii lagu wareejiyey lahaayeen,lix maalin kadibna isaga oo Gacmaha iyo indhaha ka xidhan loo duuliyey Itoobiya Inta Diyaarad La Saaray.
Sigaar ah ayuu sheegay in xadhigiisa iyo in Itoobiya lagu wareejiyo uu lahaa taliyihii hore ee Hay’adda Nabadsugida Xamar Cabdullaahi Maxamed Cali Sanbaloolshe,sidoo kalena ay la ogaayeen Madaxda isaga ka sareysa.
Cadho xoog leh ayaa ka dhalatay Dhiibistii sargaalkan ee Bishii Agaust 2017
Berberatoday.com