|
|
Hargeysa(Berberatoday.com)-Xidhiidhka kubbada cagta aduunka ee FIFA ayaa si rasmi ah u shaaciyay garsooraha dhex dhexaadin doono kulanka kubbada cagta ugu wayn ee finalka koobka aduunka oo ay axada isu haleeli doonaan xulalka qaramada France iyo Croatia.
France ayaa finalka koobka aduunka soo gaadhay kadib markii ay guul ka soo gaadheen Belgium halka Croatia ay riyadii England ee koobka aduunka soo dhameeyeen.
France ayaa hore koobka aduunka ugu soo guulaystay sannadkii 1998 kii laakiin sanadkii 2006 kii oo ay sidan oo kale soo gaadheen finalka koobka aduunka ayay guuldaro kala kulmeen Italy halka Croatia ay markii ugu horaysay u soo baxeen finalka koobka adduunka.
Finalkii koobka aduunka ee 2006 kii waxaa dhex dhexaadiyay garsoorihii reer Argentina ee Hector Elizondo laakiin markale xulka France ayaa arki doona garsoore kale oo reer Argentina ah oo dhex dhexaadin doona kulanka ay Croatia la ciyaari doonaan maadama oo FIFA magacowday garsooraha reer Argentina ee Nestor Pitana.
Garsoore Nestor Pitana oo 43 sano jir ah ayaa ahaa garsoorihii koobka aduunka daah furay ee dhex dhexaadiyay kulankii Russia iyo Saudi Arabia ee koobka aduunka furitaanka u ahaa laakiin waxa uu sidoo kale soo qabtay kulankii ay France guusha ka soo gaadheen Uruguay ee siddeeed dhamaadkii koobka aduunka.
Balse garsoore Nestor Pitana ayaa sidoo kale aan ku cusbayn xulka Croatia wuxuuna soo hayay kulankii wareegii 16ka xul qaran ee koobka aduunka ee ay Croatia rekoodhayaasha ku reebeen Denmark.
Berberatoday.co Sports News