|
|
Tunis(Berberatoday.com)-Dawladda Dalka Tunisia ayaa waxay ku dhawaaqday go’aan aad u layaab badan oo ay ku sintay Saamiga Ragga Iyo Haweenka Dalkaasi ee Dhaxalka.
Kumanaan qof oo isugu jiray Rag iyo haween ayaa ka soo horjeedsaday go’aankaasi waxaanay bannaanbaxayo ballaadhan oo ay arrintaasi kaga soo horjeedaan ay ku qabteen dhammaan magaalooyinka Dalkaasi.
Dadkani bannaanbaxayey ayaa waxay sitteen Kitaabka Qur’aanka Kariimka ah waxaanay kor u qaadeen Kitaabka Alle waxaanay sheegeen in Mas’alada dhaxalku aanay aheyn arrin la taaban karo oo ciddii doontaa ay wax ka bedeli karto, balse uu Ilaahay SWT ku cadeeyay Dhaxalka inta ay ka helayaan Ragga iyo dumarku ba dhaxalka.
Sidoo kalena, Ilaahay SWT waxa uu si cad arrintaasi ugu caddeeyay Kitaabka Qur’aanka Kariimka ah.
Bannaanbaxayaasha ayaa waxay ku dhawaaqayeen erayo muujinaya siday Diintooda u difaacayaan waxaana ka mid ahaa hadaladoodii, “Dhiigayaga ayaan ku difaacaynaa Islaamka”.
Sida lagu baahiyey shabakada Al-arabia oo Wargeyska Himilo ka soo xigtay Gabadh magaceeda la yidhaahdo Dura Farax oo ka mid aheyd dadkii arrintaasi ka soo horjeedsatay oo da’deeduna ay aheyd 22jir ayaa waxay tidhi, “Waxaanu halkan u nimid si aanu u difaacno Mabaadiida Diintayada, mana ogolaan doona go’aamadaasi la soo saaray”.
Go’aankani aadka u layaabka badan ayaa noqday go’aan ay aad u jidh diideen dadka Muslimiinta ah ee ku nool dalkaasi.
Go’aanka Sinnaashaha dhaxalka haweenka iyo ragga ayaa waxa garab socday go’aan kale oo dawladda dalkaasi ku dhiiriigelinayso In dadka isku jinsiga ah ay is guursan karaan isla markaana aanay wax ciqaab ah muttaysan karin, waana arrinta labaad ee dadkaasi ay aadka uga sii kaceen, ilaa iyo haatan lama oga sababta Madaxweynaha Dalkaasi iyo xukuumadiisa ku kalifay inay go’aamadaasi soo saaraan.
Berberatoday.com